Theih Kau Nak XXIII

1. Leitlun minung ih 6 ah 1 in mirang ttawng an hmang.
2. "Blue Fin" timi nga tumpi phunkhat cu $20,000 tluk man a nei.
3. USA ah "poisoning" hi nauhak thihnak tambik pali nak a si.
4. Zangthal in, na ke tlunlam ah nuamten khaisang vivo aw la, vutnel (quicksang) sungah na pil thei lo ding.
5. Iraq ralkap pawl nih lak (donkey) cu "rockets" kap nak ah an hmang.
6. "Polar bear" timi vurram ih vom pawl cu peng 60 hnakih tam, cawllo in ti an leuh thei.
7. "Dandelion" timi hramlak pangpar ih hram (root) kangro (roasted) mi cu coffee aiah hman theih a si.
8. "New York Times" magazines "Sunday edition" suahmi "ton" khat suah dingah thingkung 24 tluk a cem.
9. Hmaisabik "presidential debate" TV ih thlah suakmi cu Nixon leh Kennedy ih debate, September 26, 1960 ah a si.
10. "Music Band" UB40 timi hmin cu England ih "unemployment form" ihsin an lak mi a si.
11. Jan.1, 2012 ah USA mipum 312, 782, 968 an kim ding.
12. USA president hlun, Richard Nixon cu zuu in tukmi a si ih, vawikhat cu a zuuri ah "Capitol Hill" nuclear bomb thlak dingin order a pek.
13. Tleunak ih cakzia cu (speed of light) second pakhat ah peng 186,000 a feh thei.
14. Feb. 17, 1930 ah hmaisabik, vanzam in caw an phur.
15. "Starfish" timi nga phunkhat cu, thluak an nei lo.
16. Atlangpi in naute taksa ih 75% cu tii an si.
17. Russian Space Station hmin "Mir" tiih a san cu "peace" remdaih nak tinak a si.
18. Omaha, Nebraska ah khawm lai ah nauhak an irh (burp) pang a si le, a nu le pa kaih thei an si.
19. Seoul khawpi cu kum 600 lenglo Korea ih khawpi a rak si.
20. Minute 8 sungah, "Space Shuttle" cu nazi pakhat ah km 27,000 cak in a feh suak thei.
21. Atlangpi in USA ah ihkhawp lo ruangah mawtaw accident nikhat ah 550 a um.
22. Nunau 35% cu an mah le an mah an rin/zumaw nak hi mipa an hip nak bik in an thei ih, 20% cun an mawinak a si an ti.
23. USA mipum ih 75% cu 2% leiram ah an um.
24. “Abba Gold” cu UK charts ah kum 5 lenglo a um.
25. Japan ah kum 60 kim a si le hminsin nak tuah sak in, zianghman ttuanvo a nei nawnlo tinak nemhnget nak an nei.
26. Ekinn (toilet) pakhat cu kum 50 sung hman theih a si.
27. Sabit (grapes) cu a satnak (microwave) ih sat a si le, a puak.
28. “Diet coke” cu 1982 ah lawng an tuah thawk.
29. Hlamhmai (a full-grown) hmin ngahmi in hram (roots) peng 15 tluk sau a nei.
30. Minung si lomi, “Oscar” zuknung laksawng ngahtu cu zinhnam te “mickey mouse” a si.
31. 1991 ah Soviet Union rampi cu ram fa te ram 15 ah a cang.
32. “Penguin” timi va te phunkhat cu nazi pakhat ah peng 15 tluk ti a leuh thei.
33. ‘Almost’ timi cafang cu Mirang cafang ih a,b, c a sangsang ih (alphabetical order) sau bik um sun a si.
34. Kum 12,000 liamzo mi ah Alaska ah saipi/vui, kiosa leh kalauk pawl an rak thlangleng zo.
35. Thuanthu ih lal nak nei reibik cu Pepi II a si ih, Egypt ram 2566-2476 BC, kum 90 sung a lal.
36. Lal reibik pahnih nak cu France’s Louis XIV, 1643-1715 tiang kum 72 sung a lal.
37. “Myrmecologist” cu sihte um dan zingzoi/zir an si.
38. Maimom (spider) phun 34,000 a um.
39. Mipa pawl cu nunau hnakin, rei deuh, ring deuh in an hni.
40. USA ih nunau pawl cu mipa hnakin a let hnih in riahsia le beidong an tam deuh.
41. 1980 hrawngah USA ah naute 53 ah pakhat cu phir in an suak, tu ah cu 30 ah pakhat phir in an suak.
42. Arti cu a thar lai (fresh) ah ti sungah a pil thei nan, a rei deuh tikah, a lang aw sal (float).
43. Acre khat “wheat” (fangcang cikhat) in sungkua mi 4 hrangah sangthawp (bread) kum 10 daih a suak tir thei.
44. Hlanlai tuluk ram ah mah le mah an thataw tikah, cii pound khat ei in an that aw ttheu.
45. 80% misual kaih ngah mi pawl cu, mipa an si.
46. Brazil ram cu leitlun ih dawhhlei (orange) tambik suak nak a si.
47. USA mipum, a hrek tluk in, “burnout” timi thinhar/hnattuan ban tuk nak nat nak an nei.
48. Philippines ram ah ttawng phun 1,000 leh rampi hmangmi ttawng phun 2 a um.
49. Las Vegas ih MGM Grand Hotel ah nitin lukham phaw 15,000 an sawp.
50. Church of England nih Charles Darwin cu a suah hnu kum 200 rei ah ngaihthiam a dil.
51. Thailand ram ah kehlam kut cu a thiamhlimlo ih ruat a si ih, kehlam kut ih rawlei lo a ttha.
52. Thailand ram thotho ah, kut zungkhat hmangih, minung khih hmuh nakah, hman a si le, a mawilo zet thil pakhat ah an ruatih, ramsa lole thilri men khihhmuh nak ah an hmang ttheu.
53. Minung taksa ih ruh fate bik cu kan hna sungah a um.
54. Ruah (rain) cu nazi pakhat ah peng 7 (11 km ph) tluk rangin a sur.
55. “Arctic” ah cun, rawl ei ding a harsa tukih, cinghnia in sabek a ei tikah, a hmul le a ruh pawl tiang a ei fai ttheh.
56. Vok in thlan (sweat) an nei lo.
57. India cu leitlun ih zuknung tuah tambik nak ram a si.
58. France cu leitlun zuknung tuahtam bik 3 nak ram a si.
59. Khangro (rainbow) na hmu thei ah cun, ni (sun) cu na dunglam ah a um tinak a si.
60. 80% taksa zang/pound tlak deuh dingih, zuam pawl cu zarhkhat ah vawi thum tal “exercise” an lak.