COVID-19 & Empty Spaces

Empty streets,
Empty highways
Empty buildings
Empty offices
Empty schools
Empty hotels
Empty restaurants
Empty churches
Empty stores
Empty economies
Empty promises
Empty stomachs
Empty hearts.....
Only God can fill them up again!

Aw Coronavirus Na Mi Tuur A Va Naa Ve!

Wuhan, Tuluk ram ihsin a karhzai ciamcomi coronavirus naatnak ruangah, thla 2 le hrek hman kim hlan ah, leilungpi cu a hni tir ṭheh ta riai!

Mizan March 12 zan 9:00 pm zik hrawngah meeting nak ihsin inn ka tlung cu, lamzin ka feh ṭheunak, kan inn zin Banta Rd. parih ummi, Southport High School parking lot cu a ṭhin riamriam ṭheh ih, minung suakvak khal hmuh ding an um lo. Nidang ah hmuah high school tlawngta hrekkhat le suakvak mi tete hmuh ding an um ringring. Kiangkap boruak in thinlung mi a tham zet!

Inn ka thleng ih, nufa thawn NBC News kan zoh ih, Italy ramih tourist pawl a phul in an phul ṭheunak hmun cu ṭhin riapriap mi, hmu lala tikah, leitlun hi zianghmanlo men a si zia a thar in in thei tir sal ruangro! USA ah NBA, NFL, Golf, baseball le leknak (sport) tam sawn an cawl ṭheh. Leitlun vanzam ih khual tlawnnak tam sawn an cawl ṭheh. Ram khat le ram khat luh sian awk lonak, kilhim awknak a nasa sinsin.

Kan umnak khua Indianapolis, High School hnuailam tlawng a malbik zarh 3 sung an khar tir. Mibur ih umnak 250 hnakih tam um sian a si nawnlo. Mipi tampi dawr ah a phul in an phul. Ṭih nak le thin phannak in mi a luah ṭheh zo. Leitlun pursum nak lam nasa zetin a tla siat man.

Thuneitu pawl an thu neihnak in naatnak a kham thei cuanglo. Milian pawl an sumpai in naatnak ngah lo dingin an kham aw thei cuanglo. Milar pawl an lar nak in a ti dam thei cuanglo. Mithiam sang pawl in an thiamnak suahin himi naatnak kham theihnak sii an hawl rero nan, tu tiang ahcun an hmu thei hrihlo. Coronavirus in mi thleidan a nei lo. Thuneihnak, lennak, larnak le minung thiamnak khalin, ṭihphannak taktak a thlen tikah mi an hnem thei cuanglo!

Kan leilungpi hi, umnak tlak taktak a rak silo. Natsia le thlisia ah second kar ih thi-hlo thei ṭhehmi kan si. Matthai 24:35 “Lei le van cu an cemral ding nain ka ṭongkam cu a cem dah lo ding” ti ih Bawipa a ti vekin, leitlun ah a hmun dingmi zianghman an um lo, Pathian thu lawng hi a hmun camcin mi a si. Coronavirus hi leilungpi Pathian aw theihnak si hram seh!

ZUMTU & COVID-19

A liamciami thla 3 ihsin a karhzaimi Novel Coronavirus lole COVID-19 tiih theihmi naatnak ruangah tusun tiangah ram 155 ah nasa zetin naatnak le thihnak a thleng.

Hivek caan ah rampi thuneitu pawlin, mibur ih um lo ding in le a luar deuhnak ram pawl tla cu zarh 2, 3 sung zohman lengsuak lo dingin thusuah a si. Hivek caan laifang ah zumtu hrekkhat in “Pathian zum kan sisi, ziang hman ṭih ding umlo, khawm kel in khawm uh si. Thil kan tuah kel in tuah uh si’ tivekih titu tete an um phahphah.

Bible ih fiang zetin in simmi pakhat cu, thuneitu le ram uktu pawl ih thungai ding hi a si. Rom 13:1 “Ram uktu bawi pawl kha an thu ngai uh; ziangah tile Pathian ih lungkimnak loin zohman thuneitu an um thei lo; cule atuih thuneitu pawl hi Pathian ih retmi an si.” tin fiangzetin in sim.

Zumtu kan si khalah, minung lamih tuah ding le thlun dingmi kan nei. Herod siangpahrang in nauhak kum 2 hnuailam that ṭheh ding a ti lai khalah, Mary le Joseph kha, um men uh, ka lo humhim ding a ti riai lo. Matthai 2: 13…“Hi naute hi Herod in thah dingah a hawl ding. Curuangah tho awla naute le a nu thawn Izipt ramah tlan uh. Kir sal ding i ka lo sim hlan lo cutawkah nan um pei,” tiah a ti.

Curuangah abikin zumtu nu le pa, u le nau zaten, tuṭum khalah, acozah ṭuanvo neitu ih thlun ding a timi pawl cu kan thlun ṭheh ding hrimhrim a si. Himi ruangah kan zumnak a derthawng a si hrimhrim lo ti kha kan theithiam awk a ṭha.

Himi a rak suaknak Tuluk ram khal, himi naatnak an control thei vivo nak cu, mipi in, thungai in lenglam suaklo ten an um ruangah a si. Thlun ding timi kan thlun lole ,kan mah ruang sawnah, kan Church, kan community le khua le ramah naatnak a karhzai tirtu kan si ding ti thei aw cio in thungai nun nei uh si.

Pathian hnenah mah le um hmun cio ah thlaza cam phah in, ṭan la cio uh si law!

I WEPT...

In 1992 when a coup took place in Chin revolution group,
I cried bitterly!

In 1997 when I had to leave my newly wed wife to come to USA
I wept till my eyes swelled!

In 2013 when I came back home to Falam, after 25 years,
I cried so hard in the dark!

Today when our church only could have online service due to coronavirus,
Secretly I wept & wept!

Lord please collect all my tears and,
Let them become blessings!

KA ṬAP

1992 Chin dotlennak, sinak cuhawknak a thlen ni,
Hnap dawp ṭheh ko, ka ṭap, ka nguk!

1997 USA rat zik lai, nupi tan hrih ṭul,
Mit phing ṭheh ko, ka ṭap!

2013, kum 25 hnu Falam, ka pai’ innpi ka thlen zan,
A thup ten, thim lakah ka ṭap!

Tuzing Coronavirus ruangih, mipi khawm theilo ni,
A thup ten, ka ṭap, ka mitthli a tlak!

Bawipa ka mitthli tlakmi in khawl sakin,
Thlawsuah sawn ah run caan tir hram!
-------------------------------------------------------------

Falam

Tlangpar khua lakih mawibik

Iang neibik Falam

Khaw thianghlimbik Falam

Lungthin thiangbik Falam

Zo khalih nuambik tinak Falam

Khual duhdawtthiam Falam

Mi thleidan neilo Falam

Lungleng tirtu Falam

Chinmi thuanthu nei ṭhabik

Na mawinak, na nemnak le na ṭhatnak hmuah

Mi ih hmuhsuamnak sawn siloin

Thlawsuah phurtu le pabik lungput neitu si vivo hram

Aw Falam…….