Senteh lai caan,

Helhkam nei lawn..😎

Ka ei, ka in, ka it...🍳😴

Nu le pa thlakung hnuai ah 🏠👪

Sungkaw kim ten!👨‍👩‍👧‍👦

Thin har um lawn....🤣

Rual le pi thawn...🤸‍️🤸‍️

Sun zan cawte puah in🏃‍️🏃‍️

Kan um lai caan...👦👧

Ko kir thei ningla👋🤚

Ka va duh so......😍

Senteh lai caan 👫

A rak nuam bik......😀😄

Hngilh hlah uh si,
Pipu lo rian an ttuan nak..
Hngilh hlah uh si
Pipu rethei zonzaih nak..
Hngilh hlah uh si
Pipu teimak nak..
Hngilh hlah uh si
Pipu rin um nak..
Lai nun mawi
Kilkhawi uh si..
Lairam hrang
Zuam sin uh si..
Laimi hrang
Zir sin uh si..
Laimi sinak hngilhlo in
Tangdorh nak thawn..
Zuam sin uh si! 

Zumtu, Tattoo Zuksuai Sual A Si Maw?

Puithiam Hnaṭuannak (Leviticus) 19:28-“Mithi ngai in nan hmai nan ṭelh lo pei, nan taksa khal nan sun lo pei. Keimah cu Bawipa ka si. Himi bung le cang hi zumtu ih kan tuah thianlonak bikih ṭanlak nakah hmanbikmi a si. Bung 19: Cang 26 ihsin siar a sile, thisen telmi sa eilo ding le sammet lole khahmul metlo ding tvp a um.

Cuti asi ahcun, tattoo suai a sual le khahmul le sam met khal sual tinak a si. Sinan cu pawl cu Jesuh thawngin a kim ṭheh zo ih dan sungah kan um nawnlo tin Hill timi, Dayton, TX kawhhran pakhat ih P & W leader,  USA ih Pastor kum 30 ṭuanzo, kum 53 paih fapa cun a sim. Culawng siloin, a pa Pastor kum 53  khal, tattoo a suai aw ve tin a sim.

Curuangah, zumtu pakhat in thil kan tuah tik le Bible bungcang ṭannak ih kan lakmi pawl a background thei ding a thupi zetih, a diknak vekin kan “interpret” thiam ding khal a thupi zet. Cubakah, himi Leviticus 19:26-28 ih simmi pawl hi, puithiam pawl hrangah a si tin a sim bet. Kan taksa cu Pathian umnak biakinn a si ih, cumi biakinn mawinak dingah tattoo in,  Bible bungcang, Cross, Jesuh lem tvp thawn kan ceimawi hi a sualnak a umlo ih sual a silo tin Hill cun a sim.

Source: http://www.beliefnet.com/faiths/galleries/is-it-ok-for-christians-to-have-tattoos.aspx?

Mikhual.....

Suahsemnakkhua, a zuun tuar lawn,

Hung tlung ing khaw, hmelthar an tam..

Mihlun hrekkhat, mual an liam..

Ka khua, ka ram, ti tum ing khaw..

Keimah sawn, mai khua ah,

Mikhual ka cang..

A cuih ka thin!

Avei 2nak “Run Inn Tlun Kum”

Ngairiamah, Hung tlung leh khaw,

’88 minung, kan theilo tih lawng tawk lawn..

Hmel theihtirtu khal um hlah!

Ramdangmi, mi vakvai le mikhual tiah

Mai suahsemnak ah

In ti pan lo maw!

2017 Mother's Day!

Ca Thiamlo Ka Nu,

Famkimlo Ka Nu,

Tlaksamnak Nei Ka Nu,

Na Thiamnak,

Na Famkimnak,

Na Tlamtlinnak,

Ruang Sawnah, Siloin..

Thla Kua Sung,

Rethei Tuarin,

In Pai Nak Le,

Ka Nu Na Sinak Ah,

Ka Lungawi!

Ka Lo Upat,

Ka Lo Ṭihzah..

Ka Phulo, Na Fa Si Ding,

Mi Vanṭhabik, Na Fa Sinak Co In!

Ka Lo Duh Tuk Nunu…

A Cem Nak Thupi...

Ziangkim ah a tawpnak lole a cemnetnak hi a thupibik ringring! Cucu ziangtin kan thok ti hngakin a thupi sawn tinak a si. Zingtin kan thok timi thupi sawn sehla cu Bawi Jesuh khal cawrawl einak kuang sungah rak suaklo in, siangpahrang fa, maksakzet lole van ihsin sunlawinak le mangbangza ih khatin a rak ṭum sutsi sawn ding.

Sinan, Jesuh cu, leitlung minung tunitiang khalah thuanthu ih um dahlomi, a niambik cawrawl einak kuang sungah nang le kei hrangah a rak suak konan, a tawpnak ahcun, thihnak in a thosal ih, van ah khaiso a si kha! Cucu a tawpnak le ni netabik a thupit zia a langtirnak pakhat a si.

Nangteh, leitlun ih na cemral ding ni hrang le na ni netabik nak hrang ka ready zo maw? Na rak suahkeh dan le nuntu khawsak na rak thok dan pawl ningzatza le mitthlitlak nak tla an si men ding! Asinan, a liamcia zomi hngakin, ziangtin na nunnak “conclusion” na tuah timi a thupi sawn!

The end matters!

Thinbang Nak (Depression):

                

      

Himi ṭongfang hi a bikin USA ih um pawl cun, nitin ih theih ringringmi cafang lole ṭongfang a si. Thinbang neilo minung cu kan umlo ding, a luar deuh le mal deuh lawng hi si ko. Sinan thinbang le thinphang nak pawl hi zumtu hrangah a netnak a siloih kan cahnak ding sawn ah a rak si ṭheu. Thinharnak kan nei le phang hlah, kanmah lawng kan silo, Bible sungah rualpi tampi kan nei. Bible sungih Pathian mihman, zumnak lam le an nunnak ih zohṭhimtlak, mihratkhawkheng tampi pawl khal thinhar, mangbang, vansang le beidong nak an rak nei ve cio!

Tampi ummi lakah: Mipum Siarnak 11-Moses, 1 Siangpahrang: 18-19-Elijah, Job 3, Psalm 13-David, Jonan 4 le Jerimiah 20 nak pawl hi thazang laknak ah hmang uh si. Kan Bawipa Jesuh Khrih lala khal leitlun a lenlai ah thinhar, mangbang in caan an hmang ve ṭheu (Mtt.4:1-11, Lk 19:41, Lk 22:44). Pathian thlausuah nan zate parah thleng hram seh! 

...Amen….