Nelson Mandela, South Africa ih President a si hnuah, veikhat cu a duhbiknak rawl dawr ah rawl ei dingin a bodyguard pawl thawn a feh.

Rawl an ei zik fangah, mipakhat amah ten, rawl ei vemi an hmu ih, Mandela cun, amah thawn rawl ei tlang dingin a bodyguard pa a va ko tir. Cupa cu rawl an ei ttheh tiang, a khur nasa tukih zianghman a ei man lo.

Mandela bodyguard pawl cun, midamlo a si ding, a khur nasa tukih zianghman a ei mumal lo an ti. Mandela ih a sim haimi cu, "lamlam, thawng ka tlak laiah, hipa hi thawnginn kiltu a siih, nasa zetin in hrem hnuah, tidai ka dil theuih, hipa in, ka lu parah zun (zin) a rak thawh ringring. Sinan tucu kei President ka siih, ka hrem ding a ttih si kha. Asinan, kei cuvek mizia ka neilo. Leh rul nakin tthatnak a suahpi dahlo, ngaithiam theinak in thil a ti thei sawn" tin a let hai.

(Mirang ih nganmi a tawi zawngin letmi)