Theih Kau Nak XXXII

1. Nunau lung cu mipa lung hnakin a tur rang sawn.
2. Leitlun ih mankhungbik “spice” rimhmui cu “saffron” a si.
3. Kum 8 leh thla 7 leh ni 6 sung na au (yell) a si le, coffee nokhat hlum tir thei mi “energy” na suak tir thei.
4. Leonardo Da Vinci nih Mona Lisa lem/zuk cu kum 10 sung a suai.
5. Asinan, zuk parah, a hmin sign mi le a nithla a ngan lo.
6. Minung thluak cu pharh in retsehla, hnipuan hnawt nak “ironing board” a khuh ttheh thei ding.
7. Uico in “Chocolate” an ei le an thi thei. An “nervous system” thawn a kaih aw lo.
8. San Salvador ah zuri ih mawtaw mawng cu thihnak dan pek thei a si.
9. “Lake Ontario” timi tili cu ahmaisabik ah “Lake St. Louis” tin an rak ko.
10. England ih “Club Direct” timi khualtlawn lam insurance company nih, “coconut” in tlak pang le kuang dingin insurance an tuah sak thei.
11. A tlangpi in nupa neiaw mi in kumkhat ah vawi 98 tluk an pawl aw.
12. “Avocado” timi tthawphatti nih thingrah dang hnakin “protein” a nei tam sawn.
13. Thuphan sim pawl in, a tlunlam lole an kehlam an zoh/hoi ttheu.
14. Minung pakhat in vun 3,500 square inches tluk kan nei.
15. Kan vun cu a tlangpi in, fate te a ongmi billion khat lai um mi a si.
16. ‘Liberty Bell” rak tuahtu pa cu Charles Fey, mawtaw mechanic pa a siih, 1895 ah a rak tuah.
17. A tlangpi in, vui/sai fate suak dingah, a pawi pek ihsin ni 660 tluk a rei.
18. Florida ah pasal neilo, nunau Zarhpi ni ah “parachute” a hmang a si le, thawng thlak thei a si.
19. Second 45 tinten, USA ah inn pakhat a kang.
20. “Grenades” timi bomb cu Tuluk pawl in kum 1,000 liamzo mi ah an rak tuah.
21. Leilungpi rit lam (Earth’s atmosphere) cu 5.5 quadrillion ton a si.
22. “Silk” timi maimom ih ra suakmi hri cu thir hnakin a khan sawn.
23. Minung ihnak “bed” ah hnawmbal “dust mites” billion 6 tluk an um.
24. Shark timi nga tumpi pawl cu cancer natnak an nei thei lo.
25. Louisiana ah mipi lakih, katthuah “gargling” cu dan pahbal a si.
26. Hmaisabik zuknung an suahmi cu “Nickelodeon” timi a si.
27. Cumi cu June 19, 1905 ah Pittsburgh, Pennsylvania ah a si.
28. North America nauhak pawl in, kumtin ten, cekcek (chewing gum) leinak ah billion hrek tluk an cem.
29. Leitlun ih minung tam sawn cu, tidai khai dingah peng 3 tluk an feh ttul.
30. Minute pakhat tinten vawi 25 tluk mit kan tthep.
31. Tuu/beram pawl cu zarhhnih tiang vurin nen cingin an tuar/nung thei.
32. Ho-Ho-Kus timi New Jersey ih khua fate cu USA ih “dash” pahnih ngan ttulmi khua um sun a si.
33. Peter the Great timi san laiah, Russian ram ih khabe hmul zuat pawl in, “special tax” an pek ttul.
34. Lak cu kum 30 in 50 tiang an nung thei.
35. Canada ih golf lekmi 71.4% cu mipa an si ih, 28.6% cu nu an si.
36. Suahni (birthday) na tuah tinten, minung amalbik million 9 tluk in an rak tuah ve ringring.
37. American mi 70% in Disneyland/Disney World ah an feh.
38. Leitlun ah pangan (insect) ci/phun 900,000 tluk a um.
39. Scottish miphun, Kerr hnam pawl cu hnam dang hnakin kehtlak mi (left handed) an tam sawn.
40. Minung haa cu lungto tluk ih hak mi an si.
41. “Caffeine” lak ah coffee cu 75% American in an hmang.
42. Gallon khat cawhnawi suak dingah, a tlangpi in cawhnawi vawi 350 tluk sor (squirt) a ttul.
43. “Go” timi cafang cu Mirang ttawngih catlang famkim tawibik (shortest complete sentence) a si.
44. South Africa ram nih ttawng phun hnih lawng an rak nei dah nan, tu ah cun, ttawng phun 11 an nei.
45. Na cuap (lung) vorhlam nih kehlam cuap hnakin thli a hawp tam sawn.
46. Ui pawl nih tum le fate lam (size) an thleidang thiamlo. Curuangah ui fate te khal an bokio thei nak a si.
47. “Q” cafang pakhat te lawng hi, USA ih zianghmin hmanih, a um lo mi a si.
48. USA ih Las Vegas ah leitlun ih room tambik mi hotel a um.
49. USA ah ttektla in leilung vawi million 40 kumkhat ah a dai ngah.
50. Arpi pakhat in a tlangpi in kumkhat ah arti pum 260 tluk a tii.
51. Japan khawpi, Tokyo ah minute 50 hnakih mal fehnak ah mawtaw hnakin bicycle in feh le a zamrang sawn.
52. “National Association of Home Builders” sim dan vek a si le, USA ih inn pawl cu atlangpi in 2,200 square feet tluk tum mi an si.
53. 1970 lai ah cun, a tum lam 1,400 sq ft a rak si.
54. Eddie Cochran timi hlasak thiampa ih a thih hlan, a hla phuah neitabik cu “Three Steps to Heaven” Vanram feh nak ke karthum timi a si.
55. USA ih hmaisabik Olympic Games an neih nak cu 1904 kum, St. Louis, MO ah a si.
56. Thlihran, nazi pakhat ih peng 74 tluk ih hranmi cu, “hurricane” a si.
57. Minung kum 35 kim hnuah, nitin thluak cells (brain cells) 7,000 tluk an hlo ih, a thar an suak nawn lo.
58. “Ostrich” timi sava tumpi pawl cu kei zunghnih veve lawng an nei ruangah, an tlang a cak cuang.
59. Himi “ostrich” savapa pawl cu atlangpi in pound 345 tluk an rit ih leitlun ih sava lakah ritbik an si.
60. Khuai siangpahrangnu (queen bee) nih a mi hen nak cu adang khuai siangpahrangnu hen nak ah lawng a hmang.

Theihkauhnak XXXI

1. “Lake Malawi” timi tili ah nga, ci tambik a um.
2. Hlanlai Egypt ah puithiam lawngin patpar angki an hruk thei.
3. Hockey leknak ih an hmangmi “hockey pucks’ cu a hmaisabik ah cawek khal mi in an rak tuah.
4. India ram ih misual Behram an timi cu leitlun ih mithat tambik record neitu a si ih, 1790-1840 tiang mi 931 a that.
5. Nanau mithat tambik cu Hungary mi Erzsebet a si ih, mi 612 a that.
6. Leitlun ih zuknung zohnak tumbik “Radio City Music Hall” timi New York City ih um mi cu December 1932 ah an ong ih, minung 5,945 an tlem.
7. Washington, D.C. ah minung hnakin telephone a tam sawn.
8. Leitlun ih thingkung sangbik cu California ih Humboldt Redwoods State Park ah a um ih, a sanglam metres 117 a si.
9. “Arthur Giblin” nih “flushable toilet” tiih thiangfai aw mi ekinn a rak tuah.
10. 1982 ah hmaisabik lung-lem (artificial heart) operation cu haalam Dr. Barney Clark ah tuah a si ih, ni 112 sung a nung.
11. USA ah nitin, nauhak 2,100 an hlo ringring. Cumi cu second 40 titen pakhat hlo thawn a bangaw.
12. 1660 hlanih nazi cu a tawk nak fung pahnih lawng a um.
13. Giraffes (kalauk hnawngsau) pawl cu an khuk (coungh) theilo.
14. Ni tinten, kan zirmi ihsin 80% kan hngilh.
15. Lexington raldo nakah mi 8 lawng an thi.
16. Minung ih ruh 206 kan neihmi ah 52 cu ke ah a um.
17. Florida ih beach pawl ah kumtin million 20 cubic yard tluk leivut a hloral.
18. Hmaisabik TV ih faknak cu Bulova nazi company in July 1, 1941 ah an rak tuah.
19. Cumi cu second 10 tluk a reiih, $9 pek in an tuah sak.
20. Chicago ah presidential convention an tuah tambik ih, a zaten 25 tluk a si zo. Cumi lakah 14 cu Republican leh 11 cu Democratic an si.
21. Van boruak lakah satellite 974 a um.
22. “Gladiator” timi hlanlai Room san ih, minung pakhat le pakhat nam le hriamhrei a phunphun thawn sualaw nak ruangih thimi cu 700,000 an si.
23. Friesland le Netherland ah minung um zat le caw um zat an bangaw.
24. Hlan deuh ah Switzerland ah mawtaw sangkaa napin khar cu dan pahbal tinak a si.
25. “Rattlesnake” timi rul cikhat cu a kaa a cip tikah, a hau/ho khal a sunglam ah a bil aw theiih, amah le amah a keuaw theilo.
26. Florida state cu England ram hnakin a tum sawn.
27. USA ih Maine state cu hminkhat lawng neimi state um sun a si.
28. Franklin Pierce in White House ah hmaisabik Christmas tree a nei.
29. Number pawl “alphabetical order” in ngan ding sisehla, “eight” hi hmaisabik a si dingih, “zero” hi neitabik nak a si ding.
30. USA ram sungih “civil war” ramsung raldo nak ih thimi cu raldo nak dang hmuahhmuah ih American thimi hnakin a tam sawn.
31. 2010 sung, “internet” ih mipi ih Baibal bung-cang hawltambik mi cu Johan 3:16 a si.
32. US senator Strom Thurmond, SC mi cu August 19, 1957 ah nazi 24 leh minute 18 sung thusim nak nei in, record saubik neitu a si.
33. Africa ih um mi “Baobab” thingkung cu a tumlam feet 180 tluk a si ih, a sung kau sehla, minung 20 tluk an tlem ding.
34. Minung pakhat dam sungih a tlangpi ih eimi rawl cu pound 60,000 tluk a siih, cumi cu vui/saipi 6 tluk ri mi thawn an bawngaw.
35. USA ah atlangpi in nikhat ih theh-larnak (advertisements) hmuh thei zat cu 500 hrawng a si.
36. Thingkung pakhat in, kumtin thlibal pound 60 tluk a thiangfai thei.
37. Nitin USA ih “highways” lamzin pi parah mawtaw 123,000,000 an feh ringring.
38. TV zohphah hnakin kan itthat laiah “calories” kan “burn” tam sawn.
39. Hmaisabik “Marlboro” kuak company neitu cu cancer in a thi.
40. Pangpar ret nak pakhat “glass jar” recycling kan tuahmi in, TV nazi 3 sung zoh theinak khawp “energy” kan hlep thei.
41. “The giant squid” timi tisung ramsa phun khat cu zangruh neilo mi ramsa ah atumbik a si.
42. A rit lam ton 2.3 tiang a rit theiih, feet 55 tluk a sau. A mit cu feet 1 tluk lai kau mi a si.
43. Meheh/kel in, haa hmailam/atlunlam haa an nei lo.
44. Mirang ca in, cafang bangaw mi a pehpeh in vawithum um sun cu “Bookkeeper” a si.
45. Mr. Sanders cu kumkhat ah peng 250,000 hnakih tam KFC (Kentucky Fried Chicken) Empire vehvai in khual a tlawng.
46. Tuluk ram cu cahnah paisa (paper money) hmang hmaisabik mi ram a si.
47. “The Library of Congress” timi Washington D.C.ih um mi cu leitlun ih “library” tumbik a si.
48. Hollywood cu 1888 ah Harvey leh Daeida Wilcox nih an rak din.
49. Utah ah rang parin nga siau cu dan pahbal a si.
50. Arti tumbik cu pound khat leh hrek tluk a rit.
51. Hawaii cu USA ah official in June 14, 1900 ah a cang.
52. Mt. Rushmore ih USA presient lu-lem pawl tuahmi, ruangpum ne sehla, feet 500 tluk sang an si ding.
53. Leitlun ih thingkung million tampi cu thiahhlei pawl ih, an thil mu ei dingmi an thupih an hmu nawnlomi ihsin a kho mi a tampi ti hmuhsuak a si.
54. President Kennedy an thah tiangcu president thah hi, “federal crime” a rak si lo.
55. Angki aihre hruk le zukah tum deuh in a lang ih, a hringmi hruk le fate deuh in a lang.
56. May le June hi nupa neiaw an tambik ih, Hanuary hi an mal bik.
57. USA ih mithah tambik nak khua cu Detroit a si ih, mipum 100,000 ah 45.3 tluk thahnak an tuar.
58. Nikhat ah second 86,400 a um.
59. Khuai in khuai tizu pound khat suah thei dingah pangpar 2,000 tluk parah fu in le peng 55,000 tluk a zam ttul.
60. Maria Spelterina cu 1876 ah nunau um sun Niagara Falls hri fate thawn kang tu a si.

Theih Kau Nak XXX

1. USA president umnak “White House” sungah ekinn (bathroom) 35, elevator 3, room 132 leh sangkaa 412 a um.
2. Billion 2 sungah mipkhat lawng kum 116 dammi a um.
3. “The Arctic Term” timi vate cu Arctic ihsin Antarctica tiang an zam thei. Cucu kumkhat ah peng 20,000 tluk an zam tinak a si.
4. Tuluk ram in 10% lawng fangcang ramleng ah kuat sehla, leitlun ih fangcang man 80% in a kai ding.
5. “The Saguara Cactus” timi thingkung phunkhat cu kum 75 a si hnu lawngah a ko (branches) pawl a suak.
6. Tuni ih Mirang “British royal family” siangpahrang te sung ih an hmin rak hman hmaisabik mi cu “Saxe-Coburg and Gotha” ti a rak si.
7. Cumi hmin cu German lam ih ta a si ruangah leiroral I nak, 1917 ah Winsors tin thlengsak a si.
8. “Astronauts” pawl cu van boruak lak (space) ah an sang cuang (taller).
9. “Carob” timi thingkung cikhat cu kum 70 an kim tikah lawng a rah (produce fruit).
10. “Chocolate chip cookie” cu 1933 ah an rak tuah thawk.
11. Kan mit (eyes) ih nitin exercise a tuah zat cu ke in 80 kilometers feh tluk thawn a bangaw.
12. Mozart kum 4 a si laiah, “music” pakhat nazi hrek sungah a zir thiam thei.
13. 1960 tiang mipa samsau tuk pawl cu Disneyland ah an lut sianglo.
14. South Pole (leitlun ih saklambik) cu feet 8,850 tluk vur in a khuh ttheh.
15. Arsa ih 75% cu tidai a si.
16. “Dutch” miphun pawl cu leitlun ih misangbik (tallest) miphun an si.
17. “Laser” timi ih a “long form” cu “Light Amplification by Stimulated Emission by radiation” tinak a si.
18. Second pakhat tinten American pawl in pound 100 tluk a si mi chocolate an ei.
19. Leitlun ih khur thukbik lai mi cu Texas ah a um.
20. Cumi khur ih a thuk lam cu New York ih “empire state” innsang pi ih let 20 tluk a si ih, inch 3 lawng a kau.
21. George Washington leh Thomas Jefferson nih an human ah “marijuana” an rak cing.
22. Nunau 200 sungah pakhat cu “colorblind” color thleidang thiamlo a si.
23. Tuluk ram ih “Beijing Duck Restaurant” ah minung 9,000 an tlem.
24. 1903 ah Mary Anderson nih mawtaw ih thlalang hnawtnak (windshield wipers) a tuah thawk.
25. 1894 ah hmaisabik “Coke sign” cu Cartersville, Georgia ah a rak um ih, tunitiang a um lai.
26. “The Matrix Reloaded” timi zuknung ih minute 17 sung an do/sual aw nak tuah ding ah million $40 hnakih tam an cem.
27. Vui/Saipi ih mawng (trunk) ah muscles 50,000 hnakih tam a um.
28. USA ah kumtin operation tuah ah mina 1,500 tluk sungah operation tuahnak thilri an tangta ttheu.
29. USA ah pia 5 (5 cent bill) ca an rak suah dah.
30. Boston in New York tiang ke in feh a si le ke kar million khat hnakih mal deuh fang lawng feh a si.
31. Minung pakhat damsungih, cil a phut mi cu quarts 25,000 tluk a si.
32. Cumi quarts 25,000 cun ti leuh nak (swimming pool) pahnih tluk a khat tir thei.
33. Nikhat sung ih, “pushups” (daikhtoo) tuah tambik record mi vu 46,001 a si.
34. Chocolate leinak ih mipi ih kumkhat sung hmangmi paisa cu billion $7 hnakin a tam.
35. Gram 1 lei-dawm (soil) sungah bacteria million 10 tluk a um.
36. Elvis Presley cu a lar hlanah Truck pi a rak mawng.
37. Caw pakhat nih atlangpi in, nikhat ah cawhnawi khuat 40 tluk a suah.
38. Golf lek pawl nih kumkhat ah golf ball man ah $800 tluk an cem.
39. Number 2,520 cu 1,2,3,4,5,6,7,8,9, leh 10 in a hlei um lo in, “divide” tteheh thei a si.
40. Hmaisabik jet engine cu England mi Frank Whittleof nih 1930 ah a rak tuah.
41. Panama lawngin “Pacific Ocean” ihsin ni a suakih, “Atlantic” ih a tlak lai hmuh thei a si.
42. 1600 laiah, England ram ih nauhak pawl cu an hnipuan kum 7 rei tiang an hruk.
43. South America ih “Quito in Ecuador” khua cu leitlun ih nikhua nuambik nak ram a si.
44. Himi ramih nikhua um dan cu zan ah 46 degrees Fahrenheit a si ih, sun ah 72 tlunlam hrawng a si.
45. Eiffel Tower ah ke in kai ding sisehla, kar 1665 tluk a si.
46. Sui a tak mi cu bil theih a si.
47. North America sungih khua laibik um nak hmin cu Rugby, North Dakota a si.
48. “Antarctica” ih a sat laibik cu 3 degree F a si.
49. Rampai (ducks) pawl in zinglam ah lawng ti an tih.
50. Haa na tthuah (brushing) laiah ti ong in na ret le minute pakhat ah gallon 4 tluk a lak in ti a feh.
51. Phehlep (butterfly) nih thilrim an ke in an hnim.
52. Thomas Adison nih helicopter zian (gunpowder) thawn zam theimi a tuah ih, a kaang ttheh bakah, a innpi khal a ziam ttheh.
53. Tidai hmangmi ekinn (flushable toilets) cu hlanlai Rome ah an rak hmang zo.
54. “Catfish” timi nga a pa nih, ngatii pawl cu an keuh tiang ni reipi sung a kaa sungah a hmuam ringring.
55. Donald Rumsfeld cu USA ralkap defence secretary lakih nobik leh upabik a si.
56. 55.1% USA ih thawngtla pawl cu “sivai, rit theih” ruangih tlak mi an si.
57. Strawberry ah dawhhlei (orange) hnakin vitamin C a tam sawn.
58. 1876 ih Alexander Graham Bell in telephone a tuah thawk laiah, a thlakhat nak ah 6 lawng a zuar ngah.
59. Walt Disney World Resort ah a tlangpi in kumtin cokes million 46, French fries pound million 5 leh hamburger million 7 tluk an zuar ngah.
60. Leitlun ih mi farah (poor) 70% cu nunau an si.

Theih Kau Nak XXIX

1. Mirang pawl in cafang 540,000 tluk an nei ih, a dang cafang pawl a rak suak ve rero lai.
2. Hmaisabik “microphone” cu 1876 ah Emile Berliner nih a rak tuah.
3. Kalauk hngawngsau pawl ih lei cu inch 22 tluk a sau ih, a dum mi parah “pink” color bol tete um a si.
4. Massachusetts ah Zarhpi ni ih, diapers “deliver” cu dan pahbal tinak a si.
5. Hmaisabik Macintosh cu 1984 ah an hmang thawk.
6. America tuahmi mawtaw pawl ih “horn” awn dan cu F key a si.
7. Minung taksa ih inch pakhat tinten vun cells 19,000,000 tluk a um.
8. Minung vun cu a parh in phah thei siseh la, 18 square feet hrawng tluk a khuk thei ding.
9. Hmaisabik “Super Bowl” cu 1967 ah an rak lek thawk.
10. Netherland ram cu leitlun ih ram umnak niambik a si ih, 40% tluk cu tipi thuanthum hnakih niamnak ah a um.
11. 1752 kum ah England leh American colonies pawl in kum khat ah ni 354 lawng an rak nei ih ni 11 an sung. Ziang ruangah ti le, khami kum ah calendar a thlengaw ruangah a si.
12. Sakap pawl ih kap mi hnakin mawtaw ih ttaih that ruangih thi mi sakhi an tam sawn.
13. Hebrew ttawngih Beelzabub timi cu, “thothe pawl ih lal” (lord of the flies) tinak a si.
14. Canadian tattoo suaithiam pa cu a taksa parah tattoo 4,831 a suai.
15. Mi pakhat ih taksa ih um mi “iron” nih tlawngkhen fate pakhat a tuah thei.
16. Mirang cafang ih an hmang tambikmi cu “E” a si ih hman malbik cu “Q” a si.
17. “Tapeworms” timi khukrul cikhat cu 0.04 inch ihsin feet 50 tluk sau a si.
18. Ttawngtthalo mirang pawl ih “f” an timi zuknung ih hman hmaisabik nak cu 1968 ah a si.
19. 1984 ih zuknung”scarface” ah “f” ttawngfang 206 an hmangih second 29 tinten an hmang tinak a si.
20. Leitlun ih platinum an laih suakmi hmuahmuah cu, mileng khan (average living room) pangai pakhat ah a thlem ttheh thei ding.
21. USA ih mi harsa pawl bawm nak (Welfare) ih rawlleinak (food stamps) ngah ding ah innsang pakhat mi 4 um mi, sumlut cu kumkhat ah $29064 hnakih tamlo a si ttul.
22. Himi bawmnak ngah ding in, mi pakhat ih kumkhat sumlut cu $14160 hnakih tamlo a si ttul.
23. 2011 kum sung ih USA in himi bawmnak (food stamps) hrang ah million $46 a hmang.
24. Whitney Houston ih hla cu a thih hnu, zarhhnih sungah million $1.5 man an khawng.
25. Zawhte (cat) in awsuah nak (vocal sounds) 100 hnakih tam an neiih, uico in 10 tluk an nei.
26. July 20, 1969 Zarhpi ni ih thlapi sungih lut hmaisabik cu Neil Armstrong a si ih, Edwin Aldin cu a pahnih nak a si.
27. Kumkhat sungih mi pakhat ih, it nak (bed) ih a feh zat cu peng 4 tluk a si.
28. “Sea otters” timi saihram cikhat cu ramsa hmuahhmuah lakih, hmulsahbik neitu an si.
29. Hnih nak in, kan thinhar nat pawl tampi a ti kiang thei.
30. Kum 6 nauhak in nikhat ah vawi 300 tluk a hni ih, upa pakhat in nikhat ah vawi 15 ihsin 100 tluk an hni.
31. 1962-1988 tiang kawlram rak uk tu Newin cu nupi vawi 7 a nei ih, vawi 3 cu amah kel a nei. Hitin a neih nak cu a kutrin zohtu pa in a fial ruangah a si.
32. Cumi a nupi hmin pawl cu, Thein Thein, Khin May Than, Ni Ni Myint, Yatana Nat Mae (June Rose Bellamy), Ni Ni Myint, Hnin Bwint Pyu, Ni Ni Myint.
33. Yatana Nat Mae cu a pa Australia mi a si ih, a nu cu kawlmi a si.
34. 1988 ram buai lai ih, Newin hnu ih hotu pawl cu, Sein Lwin, Dr. Maung Maung leh Saw Maung pawl an si.
35. Newin in ramnuam le ram ttha a si mi kawlram cu kum 26 a uk sungah leitlun ih farahbik ram ah a cang.
36. U Thant cu UN ih GS 1962-1971 ah a rak ttuan.
37. Amah ruangah 1962 ih Netherland leh New Guinea buainak a dai thei.
38. October 1962 ih USA leh Russia buaizik rero lai khal, U Thant ruangah tampi tthatlam an pan.
39. Term hnih nak 1971 khalah UN, GS dingah an hril sal.
40. 1909 ah kawlram ah a suak ih, Rangoon phunsang tlawngih tlawngkai tthehmi a si.
41. Kharkhem (snail) cu kum 3 sung a itthat thei.
42. Leiroral II nak laiah, haasi (toothpaste) retnak “lead & metals” a daihlo ruangah “plastic” in an tuah ih tuni tiang hman lanta a si.
43. USA ih hnattuan ttihnungbik (most dangerous job) cu Alaska ih lawng thawn nga kai pawl (Alaskan Crab Fisherman) an si.
44. “Central leh South America” ih um mi zawngpa cikhat “howler monkey” ih huk aw cu peng 10 hlat nak ihsin theih a theih.
45. Peng khat sung “one square mile” leilung parih um mi pangan “insects” pawl cu leitlun ih mipum um zat hnakin an tam sawn.
46. Thau “fat” cu nauhak pawl an taksa pangai ih a tthan nak dingih thupi zetmi a si.
47. American pawl in in zuat ramsa “pet” hrangah kumtin billion $5.4 an hmang.
48. Khasuansen “onion” at laiah, cekcek “chewing gum”na khai phah le, mitthli tlak a kham.
49. Na lu linglet zawngin rawlei khalaw la, na rawl eimi cu na pumpi ah a feh thotho ding.
50. Elizabeth I nak cu rose pangpar ttihnak nat a nei, “anthophobia” an ti.
51. February 29, 2012 ni ah khaw fate Harrisburg, Ill, inn 9000 ummi ah “tonadoes” thlisia nasa zetin, nazi pakhat ah peng 170 tluk cakin an hrangih inn le lo pawl an siatsuah ttheh.
52. USA ih Indiana state ah July 3, 1950 ihsin Oct. 26, 2010 “tonadoes” timi in le lo siatsuah khawpih cakmi thlipi vawi 1,235 a um ih minung 5,200 hliamhma an ngah ih 316 an thi.
53. Inidianapolis khuaih Marion county lawngah April 30, 1950 ihsin Nov. 30, 2011 tiang “tonadoes” vawi 41 a um ih, 209 hliamhma an ngah.
54. April 11, 1965 Palm Sunday ah nasa zetin thlisia a hrang lala ih minung 137 an thi.
55. Sui hlang (pure gold) “matchbox” tia cu leiah phah ttheh sehla, tennis court tia tluk in phah thei a si.
56. Boeing 747 ih a thla (wingspan) cu vanzam rak tuah hmaisabik tu Wright brother ih vanzam hnakin a sau sawn.
57. Kawngsang/fikfa (mosquito) cu thlihran nazi pakhat ah peng 10 tluk a simi hnakih malah lawng an zam ttheu.
58. Google in nikhat ah million 200 tluk thusut nak an ngah.
59. Cumi thusut nak pawl ih a hrek hnakih tamcu USA lenglam ihsin a si.
60. An buaibik caan cu Zinglam 6 a.m ihsin sun 12:00 (PST) tiang hrawng a si.

Theih Kau Nak XXVIII

1. “Panophobia” timi cu ziangkim ttih mi nat nak a si.
2. “Fork” rawlei nak cu 1601 ah England ah an rak hmang thok. Cumi hlanah cun, namte, hai lole kutzung in an rak ei ttheu.
3. England siangpahrangnu in hmaisabik ‘fork” a hman laiah, kut in a ei lo ruangah, Pathian a hmuh suam tin an rak ti.
4. Hnattuan law, zetmi pakhat in nikhat ah gallon 4 tluk thlan a suah. Asinan, thlan a suak ti a theih hlanah, a khuu (evaporate) ah an cang ttheh man.
5. “Octopus” timi kut le ke tampi neimi, tisung ramsa cu a suak pek ah uihli tia fang a si.
6. Hmaisabik Mexico ih, USA ambassador cu Dr. Joel Poinsett a si.
7. USA civil raltho laiah, ralkap 400,000 in morphine an addict. Cumi cu ralkap natnak tin an rak ko.
8. Australia ah mipum ih let hnih in “kangaroo” an tam. Million 40 tluk an um.
9. “Coconut” ruangah kumtin minung 150 tluk an thi. Cumi cu “shark” timi minung sa ei nga ih thi mi hnakin a tam sawn.
10. “Lobster” timi kaikuang cikhat cu pound 1 a si theinak dingah kum 7 a hngak ttul.
11. Kumtin 1.6 million tluk mawtaw mawng laiih, texting ruangah USA ah accident a um.
12. NASA scientists pawl in, California cu saklam ah a tthawn aw vivo ruangah Alaska state thawn kum million 150 ah an suu/ttaih aw ding an ti.
13. Nitin mi pakhat in a tlangpi in, khak (mucous) quart khat tluk kan dawlh.
14. Catholic Church in 1992 ah lawng leilungpi in ni a hel tin an than.
15. 2003 kum ah USA in $2,000,000 tluk aalu "research tuah nak ah a hmang.
16. 1825 ah lawng White House ah ekinn an ret thawk.
17. 1999 ah Pepsi, Inc. nih 'income tax" $0.00 a pek.
18. June 13, 1948 ihsin June 1,1958 tiang Los Angeles ih mi pakhat cu vawi 160,000. 000 a irh phah in a khuh.
19. Ha ther cawih nak (toothpick) cu USA ih, dawlh sual tambik mi a si.
20. SONY cu a hmaisabik ah, "Totsuken" tin an ko.
21. “Dragonfly” timi tiiteng cu kum million 300 sung a thlengaw dahlo mi a si.
22. Australia ih meisa pakhat cu kum 5,000 sung a alh rero.
23. Nepal ah caw ek cu sii ah an hmang.
24. 93% “greeting cards” cu nunau pawl in an lei.
25. Zawhte cikhat a si mi, hrum “roar” lo mi cu “jaguar” a si.
26. Tusun ah leitlun ah ttawng phun 41,805 tluk a um.
27. Alaska ih um mi thla 6 tlun lam hmuahmuah kumkhat ah “oil dividend check” $1000 an ngah.
28. Hlan lai Rome ram ih, mai ih pa thattu pawl dan an pek tikah, bawri pakhat sungah, arcang, rul leh uico thawn an ret ih, tiva sungah an hlawn.
29. Chocolate ei tikah kaa sungih a ti lohli nak cu “cocoa butter” cu 35 degree C hnakih niam ah a ti thei ruangah a si. Cumi cu kan taksa sat lam hnakin malte, a niam deuh.
30. Beatles pawl cu Rolling Stones hnakin an records an zuar tam sawn.
31. “Major league baseball umpires” pawl in, lek laiah bawngbi te dum (underwear) an hruk tengteng ttul.
32. Zarhhnih vawikhat kan pumpi sungih vun ihsin khakhnang vek (mucus) a suahaw ringring ttul. Culole a mahten a ziam ral thei.
33. Iceland ah inn zuat ttilva (pet) neih cu dan pahbal a si.
34. Leitlun ih nunsau bik cu Jeanne Louise timi nu a si ih, kum 122 tiang a dam.
35. USA state zate lakih, ke in hnattuan nak feh tambik nak state cu Alaska state a si.
36. “Blue whale” timi ngapi ih thahri pi cu minung pakhat tlem tluk ih tum a si.
37. Titanic lawngpi a pil laiah, cawsaa pound 7500 a pil cih ttheh.
38. Titanic ah nupa neiaw pek “honeymoon” fehmi 13 an um.
39. Hmaisabik rang tlang zuamaw nakih paisa laksawng pe hmaisabik tu cu Richard I a si ih, 1195 kum ah a si.
40. Khuai (bee) tam sawn cu mi an hen hnuah, an thi. Ziangah ti le minung taksa vun cu a dawkaw theimi a si ih, an mi hen thei nak thawn a kaih aw lo.
41. USA paisa $100 ca thar ih, “Independence Hall” ih nazi in 4:10 a khihhmuh.
42. ‘Witch’ timi cafang cu “wicca” timi in a ra ih, mifim tinak a si.
43. Mipa pawl cu nunau hnakin a letli in ttek (lightning) in tlak ding a tam sawn.
44. Mi pangai in, kum khatah cawhnawi gallon 26 tluk a in.
45. “Termites’ timi thing, nget koih, ei thei pangan pawl cu South Africa ah an kangro ih, an ei ttheu.
46. 40% American pawl cu haa sibawi hnenah an feh dah lo.
47. Computer tampi umnak ah reipi hna ttuan hnuah, cahnah var na zoh le “pink” vekin a lang ding.
48. 2002 ah “the great white shark” timi nga tumpi ih thimi hnakin, uico ruangah thimi an tam sawn.
49. Minung pakhat ih damsung sam sau lam cu peng 590 tluk a si.
50. “Survey” an tuah nak ah American pawl in ekinn cahnah “toilet paper” an hmang tambik.
51. Meisa kang cu a sutlam hnakin a solam ah a kangcak sawn.
52. Leitlun, lemsuai lakih tumbik cu “The Battle of Gettysburg” timi a siih, 1883 ah Paul Philippoteaux leh bawmtu 16 thawn suaimi a si.
53. Cumi cu kum hnih leh hrek sung an rei ih, a sau lam feet 410, a sanglam feet 70 leh a rit lam pound 11,792 a si.
54. “Smith” timi hmin cu USA sungih hmin hmang tambik mi a si.
55. “Googol” timi ih, a san cu number 1 dunglam ih, “0” 100 um thawn a bangaw.
56. Leilungpi ih 60% cu tidai leh 10% ci vur ih khatmi a si.
57. Omaha, Nebraska ah sammet pawl in midang ttanghmul met sian a si lo.
58. Africa ah minung million 690 tluk an um.
59. Ni (sun) milu (postage stamp) tia fangin, “candle” 1,500,000 ih tleunak a pe thei tluk in a theu.
60. Minung kum 30 luang hnu cun, taksa a niam/cum (shrink) vivo.

Theih Kau Nak XXVII

1. Leitlun ih rawlei nak “menu” lakih tum bik cu, kalauk (carmel) em ro mi sa a si.
2. “Avocados” timi tthawphattii cu vate hrangah “poison” a si.
3. Tuluk ram ah USA hnakin, mirang ttawng thiam an tam sawn.
4. A tlangpi in USA ih naute pakhat nih a kumkhat nak ah, “cereal” pound 15 tluk an ei.
5. Leitlun ah minung ih, hawl/hmuh suak theimi (detectable) linghning 500,000 tluk kumtin in a um.
6. Kum zabi 6th , Athens ih dan tuahtu pa Solon nih, pa le pawl in fanu, nupa sual nak tuah mi cu sal ah zuar dingin dan a tuah sak.
7. Kum 26 a si ah, Michelangelo in a hminthangzet mi David lem a tuah thok ih, thla 17 hnu January 1504 ah a ttheh suak.
8. American leh Russian pawl “space flights” ah “chocolate” an nei ringring.
9. Robert Wallow cu leitlun ih misangbik tin rak theih mi a si ih, kum 21 ah a thi ih, a sang lam feet 8 leh inches 11 a si.
10. Kalauk (Carmel) hnawiti cu a khal thei lo.
11. Italy ah kumtin”doggy disco” timi ui neitu le ui lam tlang nak an tuah ringring.
12. Leitlun ih nupi puai nei tam bik cu siangpahrang “King Mogul” timi a si ih, vawi 9000 nupi neih nak puai leh nupi 9000 a nei.
13. USA president Benjamin Franklin cu mu lukolh USA ih rampi vate ah an hmang zik laiah, a mah le a cal a ngolh fawnih, mi nih hnihsuahsai nak ah an hmang ding a rak phang zet.
14. USA leh Canada ih um, mi pakhat in a tlangpi in kum khat ah soda 600 tluk an in.
15. Zawhte pawl cu an ke phaw (pads) in an thlan a suak.
16. Zawhte in thil thlum nak an thei thei lo.
17. South pole ih nikhua daih lam niambik an record mi cu -117 a siih, North pole cu -59 a si.
18. 1924 ah South Bend khua ah zawng pakhat cu kuak a fawp ruangah cawkkuang $25 an cawk.
19. Minung ih mitmu cu ounce 1 hrawng a rit,
20. “Rolls Royces” mawtaw ttha ngaingai nei tambik nak ram cu Hong Kong a si.
21. “Starfish” timi nga phunkhat cu mit 8 an neiih, an ke ah mi pakhat cia a um.
22. Hlamhmai ah “potassium” leh vitamin A a um.
23. White house phone number cu (202) 456-1414 a si.
24. Burger King ih “whopper sandwish” hmaisabik 1957 ih an tuah laiah, pakhat ah pia 37 a rak si.
25. Drew Carey cu “Denny’s” ah hna a rak ttuan dah.
26. Baibal ih hminsaubik cu “Mahershalalbaz” (Isaiah 8:1).
27. Naute an suah pek ah khuk ruk (knee caps) neilo in an suak ih, kum 2-6 an kim hnuah lawngah, a rak lang thawk.
28. Chincago ih ummi Sears Tower innpi ih thir (steel) pawl in mawtaw 50,000 a tuah suak thei.
29. 1610 ih American colonies ih mipum zat cu 350 a si.
30. Datsi (gasoline) no khat ih, puak thei dan cu “dynamite” fung 5 tluk puak thawn a bangaw.
31. 2003 kum tiang ah lawngfangkheh zuk websites (pornographic website) 1.3 million a um. Tu ah cun, sim cawk lo a si.
32. Na mawtaw “tune up” tthaten na tuah le datsi (gas) 9% tluk na “save” thei.
33. Leitlun ih lungkua “cave” thuk bik cu “Lamprechtsofen-Vogelshacht cave” a si ih, Salzburg, Austria ah a um.
34. Cumi lungkua ih thuklam cu feet 5,354 a si.
35. Utah ah nupi ih sualnak tuahmi (criminal acts) hmuahmuah, a pasal hmaiih tuahmi a si ah cun, a pasal in mawrhphurh nak a nei.
36. Tipi thuanthum ti fawr khat leitlun ih ‘circulate” dingin kum 1000 hnakih rei a ttul.
37. “Hockey” lek nak ih, an hmanmi “pucks” cu nazi pakhat ah peng 150 tluk in a feh cak.
38. Sangkaa ong nak kai veten, “electricity shock” ih a cang ttheumi cu volts 10,000 leh 30,000 karlak hrawng a si.
39. USA ih 99%, hlamhmai an zuarmi cu inn/thil ti mawi nak (decoration) hrang men ah a si.
40. Kharbawk in a malbik degree 62 F a pet thei nak dingah a ttul.
41. Hlasak thiam grammy award ngahtu le lemcang thiam Whitney Houston, kum 48 cu, Feb.11, 2012 ah a thi.
42. Arsa kanro mi (fried chicken) cu USA ih rawldawr ih an ei tambik mi a si.
43. “Acupuncture” timi Tuluk pawl ih siilam thiamnak cu BC 2700 ah hmaisabik emperor, Shen-Nung in a rak hmang.
44. Japan ram ih lamzin pawl cu hmin neilo an si.
45. Naute pawl an suak pek ah, color an thleidang thiam lo.
46. “Caterpillar” timi pangan ketam pi neimi in, “mucles” 2,000 a nei.
47. “Catfish” timi nga phunkhat in thil thawn theih nak “taste buds” 27,000 a nei.
48. Khawpi ih um mi pawl in, khawte um mi hnak in, sam sah sawn le sau sawn an nei.
49. USA ih um mi “monument” sangbik cu “Gateway Arch” a si.
50. Cu mi cu St. Louis, Missouri ah a um ih, feet 630 sang a si.
51. USA ih tleirawl million 3 pawlin, nupa si hnu lawngah nupa sinak hmang dingin, Feb.14, 2012 (Valentine’s Day) sendeng in tiamkam nak an nei.
52. US federal agencies 46 ih “officers” pawlin meithla kai theinak leh mi kaih thei nak an nei.
53. Kawkawrh/butlak (frogs) pawl cu tii an in ttul lo. Ziangah tile, an taksa vun ihsin, tidai an hip.
54. Kim zabi 16th leh 17th laiah, “chocolate” ei cu sual pakhat ah an rak ret.
55. Yo-Yo timi lek nak cu Philippine Island ah kum zabi 16th laiah hriamhrei pakhat vekin an rak hmang thok.
56. Minung hmai (face) ah “muscles” 60 hrawng a um.
57. Leitlun ih, “mine”, leikua sung thil laihnak thukbik cu East Rand mine timi a si ih, metres 3,585 a thuk.
58. “Scorpion” tumpi hnakin a fate in tur a nei tam sawn.
59. USA ah a malbik mi pakhat in “credit card” pahnih tal an nei.
60. “Koala Bear” timi ramsa phunkhat cu nikhat ah nazi 22 sung a it.

Theih Kau Nak XXVI

1. January 14, 2012 ih Italian cruise ship accident ih telmi, “passenger” pakhat ah $14,460 pek an si ding.
2. Minung kum 45 kim hnu cun, thil cinken theinak (memory) a ttum suk vivo.
3. Phunsang tlawng kai ttheh veten hnattuan ngah lohli lo ih, um tambik “degree” cu “architecture” insak nak lam “degree” a si.
4. USA ih zuri tambik nak khua cu Boston leh Springfield, Mass an si.
5. USA ih “Declaration of Independence” timi zalen nak an hmuh (4th July) ni ih, hmin sign tu cu pahnih lawng an si.
6. Cu mi, mi pahnih cu Jn Hancocks leh Charles Thomson an si.
7. Midang in August 2 lawngah an sign ih, a sinan nehhnu kum 5 ah lawng an hmin a lang.
8. Leitlun ih thlalang (stained-glass) tumbik tukvirh (window) cu Kennedy International Airport, New York City ah a um.
9. Cumi cu a saulam feet 300 a si ih, a sanglam feet 23 a si.
10. Leitlun ih HIV/AIDS natnak neimi million 40 lakah a hrek cu nunau an si.
11. Sui laihsuak mi hmuahhmuah hnakin, tipi thuanthum (oceans) ah a let 200 in a tam sawn.
12. Hmaisabik nauhak lehnak lem TV ih lang cu Mr. Potato Head a si ih 1952 ah a si.
13. An hmuh suakmi pakhat cu nupa, naupai laiih kuat fawp mi in nau, nunau an nei tam deuh ti a si.
14. USA ah, minute pakhat tinten, minung 6, kum 17 an kim.
15. “Playing cards” ih minung zuk um mi pawl cu “Siangpahrang David-Spades, Charlemagne-Hearts, Alexander the Great-Clubs leh Julius Caeser-Diamonds” pawl an si.
16. Uihli (flea) cu amah hnakih let 150 sangin a khir thei. Minung si sehla, feet 1,000 tluk sang khir thawn a bangaw.
17. 1998 ah Sony company nih, “camcorders” taksa hmu tlang theinak 700,000 a zuar sual pang.
18. 1755 ah Canada ih “post office” hmaisabik cu Hailfax, Nova Scotia ah ong a si.
19. Cumi “post office” ih hmaisabik “postmaster general” cu American inventor pa “Benjamin Franklin” a rak si.
20. Rul nih cuk ngahmi, si le vai thawn tuamhlawm theilo a si le 50% lawng dam thei sal nak a nei.
21. 2012 hrang USA president sidingih timlam ve mi, Mitt Romney cu, Florida primary neh nak co in, Feb.1, 2012 ihsin “secret service”, kiltu ret sak a si thlang ding.
22. Zung pawlih pawimawh caa pawl cu a tlangpi in 7.5% tluk an hlo ttheu.
23. Kum 2000 cem zawngih leitlun ih sui laihsuah mi zaten ton 142,600 hrawng a si ding an ti.
24. 1885-1901 karlak ah Coca-Cola ah cocaine an rak telh cih.
25. Kum zabi 3 (3rd century) lai ah Roman pawl in “lemon” (tanphaya) hi “poison” hmuahhmuah hrangah a ttha tin an rak zum.
26. U- Haul cu, Yellow Pages ah, leitlun ih thehlar nak (advertisement) tambik hmangtu a si.
27. Leilungpi cu March thla ah nuamhnai deuh in a her.
28. Washington D.C. ah mi 19 ah, ukil (lawyer) pakhat ciar an nei.
29. Kum zabi 14, (14th century) ah Arabs pawl in coffee an rak cing thawk.
30. Napoleon in zawhte a ttih tuk.
31. 1794 ah USA ah Franklin timi state a um nan, kum 4 rei hnuah, Tennessee ah an kom ih, state a sin nawn lo.
32. USA ah nitinten mawtaw million 135 tluk lamzin parah an feh ringring.
33. Leitlung ih tin (fingernails) nei sau bik cu Shridhar Chillal, India mi a si.
34. Cumi ih a sau lam cu, feet 3 a si.
35. Thlapi ih 41% cu ziang tik khalah, leitlun ih sin hmuh thei a si lo.
36. Hmunsuk lam na feh tikah, na khuk in, nangmah tluk let thum rit mi phur tlukin a tuar.
37. Tuluk ram in rampai (ducks) 700,000 pawl cu kharbawk pawl that thei dingin an zirh.
38. Leitlun ah rang (horses) 75,000,000 tluk a um.
39. “Ben Hur” zuknung ih rangleng tlan zuam aw laiah, a dunglam ah mawtaw sen pakhat a rak lang sual mi a um.
40. Thailand timi ih a san cu, zalen nak ram “land of the free” tinak a si.
41. Atlangpi in, mawtaw mawng pakhat in a dam sungah, vawi 32,025 tluk ttawngttha lo a ttawng (swear or blashpheme).
42. USA ih “civil war” cem zawngah an paisa 40% tluk cu paisa lem a si.
43. Ramsa an mah ruangrai thawn tah in, thluak tumbik nei cu sihte an si.
44. Ohio state ah mawtaw mawng lai ih, gas cem a si le dan pah bal tinak a si.
45. Los Angeles ah minung hnakin mawtaw a tam sawn.
46. Nunau pawl cu mipa hnakin a let khat in an mit an tthep tam sawn.
47. “Niagara” tisuar tlak mi cu 1848 ah minute 20 sung tla lo in a um. Cutin a um nak cu, vurkhal mi in a kham ruangah a si.
48. Mi pitling pakhat in, nitin ten oxygen pound 88 a ttul.
49. Kan pumpi sungah rawl rial/cip tir nak (digestive glands) million 35 a um.
50. Mi pitling pakhat ih dang kua (esophagus) cu inches 10 in 14 tluk a sau ih, inches pakhat tluk a kau.
51. George Bush (senior) USA president a ttuan lai ah, hna neilo rate 7.4%, Jimmy Carter ttuan lai ah 7.5% leh Gerald Ford ttuan lai ah, 7.8% an rak si.
52. USA ih company tumpi, Home Depot timi in hna ttuantu 320,000 a nei ih, cumi cu Pittsburg khua ih mipum um zat hnakin a tam sawn.
53. Olive oil (olive siti) cu kum hnih sung siat lo ten hman thei a si ih, vegetable oil (hanhnah/rah ih tuahmi siti) cu thla 6 sung lawng a daih (fresh zet in hman thei tinak).
54. USA ih um mi Washington monument cu kumtin zohtu 800,000 a nei.
55. USA minung pakhat in nitin, hnawm pound 4.4 tluk an nei.
56. Las Vegas, USA ah nikhat sungah neiaw nak licenses 230 an suah sak.
57. Hlanlai Egypt puithiam pawl cu an taksa ih hmul hmuahhmuah um lo dingin, an phawi ttheh.
58. “Bluefin tuna” timi nga cu mal te sung, nazi pakhat ah peng 50 cak in ti a leuh thei.
59. Hmaisabik van boruak ih thlah mi “satellite in orbit” cu USA nih Feb. 1, 1958 ah a thlah suak.
60. A tlangpi in, USA ih state 40% tluk cu thlibal zetmi um nak state pawl an si.