ယောက်ျား တန်မဲ့ ငိုမိခြင်းများ အကြောင်း၊ ၊

၁၉၈၈ ကျောင်းသားအရေးခင်းကြောင့် အင်းစိန်ထောင်စံမြန်းခဲ့၊ အဲဒီတုန်းက စစ်တပ်ရက်စက်မှု၊ တွေးမိတိုင်းငိုမိတယ်။

၁၉၉၇ USA သို့ထွက်ခါနီး၊ ထိမ်းမြှားစ ချစ်ဇနီး‌ချော်လေးနှင့်ခွဲရမှာမို့၊ မျက်ခွက်တွေ ယောင်လောက်အောင် အားရပါးရ ငို‌ခဲ့ရ။

၂၀၀၇ ရွှေဝါရောင် တော်လှန်ရေး

စစ်တပ်ရက်စက်မှုတွေ online ကနေ မြင်ပြန်တော့ ငိုရပြန်တယ်။

၂၀၁၃၊ နှစ် ၂၅ ကြာမှ မွေးရပ်ဌာနီ၊ ဖလမ်း ပြန်ရောက်တဲ့ည၊ ခြောက်ကပ်လှတဲ့ အဖေ့အိမ်အိုကြီးနှင့် အမှောင်ထုထဲ၊‌တစ်ယောက်တည်း၊ ရှိုက်ကြီးတညှင် ငိုယိုခဲ့။

၂၀၂၀ မတ်လ COVID-19 ကြောင့် ဒို့ဘုရားကျောင်းကြီး ခြောက်ကပ်ကပ် ဖြစ်နေချိန်၊ မထိန်းနိုင်တဲ့ မျက်ရည်ကျပြီး၊ တိတ်တိတ်လေးငိုရှိုက်ခဲ့။

၂၀၂၁ ဖေဖော်ရီလ ၁ရက်နေ့မှစ၊ စစ်အာဏရူးများ ‌တစ်ဖန်သောင်းကျန်းလာတော့၊ ဒေါသအိုးပေါက်ကွဲကာ၊ ဒေါသမျက်ရည်ကျပြန်။

အိုး အဖဘုရားသခင်၊ ဒီမျက်ရည်လေးတွေ စုပေးပြီး၊ အောင်ပွဲမျက်ရည်နှင့်ကောင်းကြီးမျက်ရည်လေးတွေ ဖြစ်စေတော်မူပါ။

Leitlun ih milian hminthang Steve Jobs (1955-2011) ih thucaah hrekkhat

 

iPhone tuahtu, Steve Jobs cu kum note 56 ah pancreatic cancer in mual a liam. Sumpai million $7000 lai ro a tanta. Ihkhun parah reipi caan a hman laiih, a thucah hrekkhat cu;

1) Nazi $300 man siseh, $30 man siseh na nei khalah a thupi sawn mi cu caan dik ten a lo sim thei ding kha a si.

2) Motor $150,000 man siseh, $3000 man a va si khalah a thupimi cu na duhnakih a lo thlenpi thei ding kha a si sawn.

3) Inn tumpi (mansion) ih na um ah siseh, inn fate te ih na um ah siseh, um harmi (loneliness) hrangah cun a bangaw thotho.

4) Vanzamleng first class ah siseh, eco class ih na to khalah, vanzamleng a tlak ahcun, thih dan a bang aw thotho.

5) Paisa bawm $300 man siseh, $30 man na neih khalah, a sungih na neih zat cu an bangaw thotho.

6) Leitlun ih thil le ri (material) pawlah hnangamnak hawl hlah uh. Hnangamnak taktak khal mi an pe thei lo.

7) Rawl ei le in hi sii vekin ei thiam ding a si. Culole sii sawn kha rawl vekin ei ṭul caan a thleng leh ding.

8) Nauhak pawl kha ziangtin neinung (lian) ding ti hnakin ziangtin hnangam/lugawinak hawl ding timi zirh sawn uh.

Lemcannak Khawvel

 

Lenglam ahcun hni siamsi

Sunglam kekkuai cing khalin

Tintling ah it ringring duh cingin

Thawh caan ah thawh a ṭul ṭheu

Social Media ah hlim zetmi zuk

A tak ahcun a zaamdarh ṭhehmi nun

Ṭongkam mawi thawn mi kom ṭul ṭheu

A tak ahcun, mah te lawng ih um duh sawn caan

Mi thazang pe ve ṭheu nan

Mah sawn thazang petu hlam caan

Hmuh theihmi le tham theihmi hmuah

A tak si lawn, a lem an si

Lemcan ṭul nawnlonak hmun

Hmuh le tham theihlomi

Khi khawlipi

Thlen ding ni hngak hlapin

Lemcannak khawlvel ah

Lemcang hrih ko ning….

 

Mah Le Ṭuanvo

Pathian kawhnak a comi in

Amah rian in, mipi an kilkhawi

 

Awnmawi talent a comi in

Awnmawi thawn mipi an awi

 

Ramkhelnak lam thiam pawlin

Ram le miphun an rian

 

Ram le miphun duhdawttu in

An nun thapin an ṭuan ṭenṭo

 

Lehpannak lam thiam pawlin

An thiamnak thawn ṭan an lak

 

Lemcang thiamin an thiamnak thawn

Zuknung hmangin mipi an ti hlim

 

Cangan thiamin an thiamnak thawn

Calai hmangin mipi an rian

 

Pathian ih duh erhih a sersiammi

Leilungpi & minung, mah le comi talent thawn

 

A Fapa ratsal hlanlo….

Thianghlim ten kilkhawi zuam uh si!

Kan simsual le theihsual ṭheumi Bible bungcang hrekkhat:

 

Thufim 1:7 “Pathian ṭihzah cu fimnak ih hramthoknak a si…” timi bungcang hi, mi tampi in kan simfiang lole kan theisual ṭheu. Hitawkih “fimnak” a timi hi leitlun fimnak lam sisawnloin, Amah Pathian kan theih thei sinsinnak ding, thlarau lam fimnak a sim duh sawnmi a si. Leitlun fimnak thawn zianghman pehpar awknak a neilo.

 

Isaiah 53:5 “Sikhalsehla kanmah ih sual ruangah hriamhma a pu, Thil ṭha lo kan tuah ruangah vuaknak a tong. Hremnak a tuar mi cu kan damnak a si, Vuak a tuarnak cu kan rundamnak a si.” Himi bungcangih damnak a nganmi tla, taksa damnak hrangah kan ruat ṭheu. Hitawkih “kan damnak” a timi cu thlarau lamih kan damnak sawn a si. Taksa lam damnak zianghman a rel tel lo. Abikin “prosperity theology” aupi pawlin taksa damnak tiin an aupi uar cuang.

 

Pathian cun, a thi theimi kan lei taksa hnakin kan thlarau hrangah thupibik in in retsak ringring. Jesuh leitlun a um lai khalah, mi naa a dam tir ṭheh cuanglo. Kan thlarau damnak kha thupibik ah in ret sak ringring sawn. Bible ih damnak a simmi pawl tla kan thlarau damnak a khihhmuh tambik sawn a si.

 

 Jesuh thawn an thahmi misual pahnih tla, Bible ah cun keh lamah zo, vorhlam ah zo an si timi tarlangmi a um lonan, Bible ih umlomi rori vorhlam ih an thatmipa cu “Paradise ka hnenah na um ding” a ti tivek in kan sermon ṭheu. Vorhlam pa timi kha Bible ih umlomi a si.

 

Pathian in thlarau lam fimnak le thlarau thianghlim thawn in thuam cio hram seh! Amen!

 

Sources: (What Does "By His Stripes We Are Healed" Mean in the Bible? By: Heather Riggleman, Matthew Henry’s Commentary)

Ka Sun Mang

Pathian zangfahnak le rinsanmi pupa, ṭuanvonei bawi upa le mipi pawl teimaknak zarah kum zabu 21 hnu ah Kawlram ih state hnufualbik Chin state khalah airport (Surbung) kan nei thei zo. Zoin hma a lakih, zozo pawl credit co ding an si tivek cu kei ka ngan nawnlo ding. Credit cotlak hmuahhmuah credit pe thiam uh si!

Himi cahram ih ka hmuitim mi sawn cu, Falam khua ah Surbung Airport kan nei zo tikah mikhual, khualtlawng le tourist lengvak tam dingin ziangmi tuah sehla a ṭha ih, ziangtin timlam sehla tvp… keimah tlin tawk le ka theih ban tawkih ka nganmi a si. Ramsung ṭuanvo neitu le private company mawi tawk khalin tampi plan an nei zo mi a si ko ding. Diriamnak ah ka rak ngan ve rengreng ding.

Khale airport kan nei cun, ṭuanvo kan neihmi a kau in, a tum sinsin. Pathian thlawsuah kan co ih, Kawlram ih tlangpar ramih neihmi airport lakah a mawibik le a sangbik (6000 feet above sea level) a si. Kawlram sungmi lawng siloin, ramdangmi tourist attraction hrangah abikin Falam pengih kan tuah theimi ka tar lang duh. Pengdang cu ka thei banglo ruangah Falam huapin lawng ka rak ngan ding.

A tawizawngin, Falam pengah ziangmi kan tuah thei;

1) Lailun: Lailun hi Laimi (Chin thuanthu) ih kan hrampi pakhat umnak a si ve. Lungkua feh tlak zet a um. Ka thleng zonak a siih, zohtlak hmuhma pakhat a si. CCIT ih ṭuanvo laknakin duum (garden) mawi zet tuah rero a si. GCO ih ṭuanvo laknakin Lailun Museum innpi khal ṭhehsuak lam a pan rero. Hi pawl hi ramsung le ramleng ih mikhual (tourist) pawl zohtlak rori in professional zetin tuahṭhat vivo tum ding. Sumpai lakluhnak ah hman ding.

2) Zinghmuh Tlang: Kan pupa pawlih thuanthu ah thupi zetih an rak retmi tlangsang pakhat a si. Himi hmun le hma hi natural park vekin acozah lam lole bulpak company khalin ṭuanvo lak vivoin, hiking tuah theinak trail tete tiang tuah thei in le a tlangih hmun remnak ah camp tivek (Western style) group le bulpak tete ih nei thei dingin tuah vivo ding. Sumpai lakluhnak ah hmang ding.

3) Taisun: Rampi theihmi mirang rak do lai khalih zamlo Pu Con Bik suahkehnak khua (Tu khalah zoh thei dingin cu a um zo) nasa sinsin in mipi zohtlakin a innpi le a khua ceimawi sinsin ding. Sumpai lakluhnak thotho.

4) Thang Tin Lian: Miuk Pu Thang Tin Lian umnak khua le innpi khal vehvaitlak museum pakhat vekin tuahih sumpai lakluh tum ding.

5) Lente bel: Falam ih Lente bel tuahnak khua Lente khua ah khal pumcawmnak tlak lawlaw in mikhual zohtlakin an bel tuahnak san man deuhin kilhim in tuahṭhat sak vivo ding. Fee lakin mikhual zohtlak ah tuah ding.

6) Rih: Rih dil hi ka thleng zoih, zuk le mipi ih kan sim mawi tlukin a hmun thlen tikah tuah ding cuca le zoh ding cuca a um lo. Rih dil ah san man deuh boat tete ret thei in, a kiangkap khalah hotel ṭha deuhdeuh le recreational park phun tuah in mikhual tampi hip dingin tuah vivo ding.

7) Falam khawsung ah hotel le restaurant tu hnakih tamin sak vivo kan ṭul.

8) Kan mipi le peng le ram hrangah sumpai tampi kan lakluh vivo theinak dingah kumkhat veikhat tivekin (Ni hnih, thum sung) nunphun puaipi (Chin cultural festival, music festival tvp..) Chin ram zate huapin tuah tum ding. Cang thei le India ramih Northeastern tlangparmi unau pawl tiang sawm ding. Run inn tlun kum puai sunzawm vivo tum ding.

Himi lo tampi ramsung um pawlin nan thei sawn ding, hlaralin seherhnak le saduhthah ka rak ngan mi a si. Ram sungin timlam ciami le tuah rero zo mi khal tampi a um ding ka zum. Pathian in leilungpi a hmun tir hrihih kan dam ahcun, Mirang ṭongin “Let us make Falam great again”! Cutin Laitlang/Chinram a mawi sinsin ding!

အတွေး.......

 

တိုးတက်စေသော အတွေး

စိတ်ဓာတ်ကျစေသော အတွေး

ညစ်ပတ်သော အတွေး

သန့်စင်သော အတွေး

လက်တွေ့မကျသော အတွေး

လက်တွေ့ကျသော အတွေး

ဒီအတွေးတွေကြောင့် အိပ်ရေးပျက်ရ

ဒီအတွေးတွေကြောင့် အိပ်ပျော်ခဲ့ရ

ဒီအတွေးတွေကြောင့် စစ်ဖြစ်ရ

ဒီအတွေးတွေကြောင့် စစ်ငြိမ်းရ

လွတ်လပ်စွာ တွေးကြပါ

သို့သော် အဲဒီ အတွေး‌သည်

ကောင်းကျိုးပေးသော အတွေး

မြင့်မြတ်‌သော အတွေးလေးတွေ ဖြစ်ပါစေ။