Nu pumin kan suak

Pumpi khapkhat hrang

Kan ṭuan, kan hawl

Kan bum awk, kan el awk

Kan zir, kan to awk

Thi dingin, kan nung

Zumtu cu…

Nung dingin, kan thi

Nang le kei

Pumpi khapkhat leng hrang

Nun thiamin

Caan hmang uh si!….

Thianghlim Zetin Politics Play Theih A Si Maw?

USA in Libya ram hruaitu pa, Muammar Gaddafi amah miphun pawl thattu tin puhih, amah dotu mimalte pawl hramhrei bawmin a rak that. Gaddafi ih a mipi le a ram hrang a rak tuahmi hrekkhat cu:

1.    A rampi in World Bank ah siseh zo acozah hnen hmanah leiba neilo in a tuah thei.

2.    Free Healthcare

3.    Free Electricity

4.    Free education

5.    A pung umlomi, loan a pek (Interest free)

6.    Nupa neiaw pawl inn an nei theinak dingah $50,000 acozah in a bawm

7.    Nau nei pek nu pawl $5,000 bawmnak pek

8.    A rami pawlin oil zuarnak  ihsin ngahmi paisa cu litre khatah $0.14 an co fingfing.

9.    Motor lei tikah 50% acozah in a pek sak.

10.                       Cathiam rate 25% ihsin 85% ah a kai.

11.                       Lo (farm) tuah duh hrangah inn, thilri, thlaicii le rannung pawl a lakin a pek.

12.                       Tlawngta pawl an zirmi subject ih zirin an pumcawmnak dingih ngah dingzat sumpai a bawm.

Cubakah USA ih 9/11 thihnak rapthlak a thleng laiah, Arab ram hotu lak ihsin 9/11 attack , condemn hmaisabiktu khal a rak si tiah Washington Post ih cangantu Peter Finn cun a sim bet. A tlinlonak le a sualnak cu tampi ko dingnan, a mipi le ram hrangah nasa zetin ṭhansonak thleng tirtu a si. Africa ram le Arab ram pawl paisa phunkhat hmang dingin le dollar hngakin Euro paisa kha standard ih a hman tum tikah USA in propaganda silolo thlahin Libya ih hramhreikai pawl hramhrei lam support ciamco in rapthlah zetin Gaddafi cu a nunnak a cem.

Saddam Hussein khal miṭha cu a silo lawlaw. Sinan, khatlamah, USA ih hoha nak le ṭan laknakin, UN thawn “Weapon of Mass Destruction” nei le Al Qaeda pawl support tin pumawhin a nunnak an laksak. An puhmawhmi cu tutiang an hmusuak cuanglo. Saddam ih a rak sim mi cu “Iraq pawlih thinlung le nunphung  zianghman nan theilo” a rak ti. Himi thuhla ih president Bush hnenih acozah milai pa in report a pek lai khalah, Saddam an puhmawhmi pawl an hmulo le zianghman a diklo thu a report ih Bush a lungawi lo zet.

Tuni tiang Libya siseh, Iraq siseh Gaddafi le Saddam an thah hlan hngakin an ram le miphun an ṭhanso in an ṭha sawn lo bakah, buainak anmah karlak ah tampi a suak sinsin. Culawng siloin, himi ram pahnih tundin sal nak dingah USA in mipi sumpai trillion mak tara a sengso rero.

Sim duhmi cu hite pahnih support nak sawn siloin, leitlun ih rinsanbikmi democracy pabiki USA ih foreign policy a neihmi le politics a play dan hi fih a nung zet. An mitkemmi le an hngakih lar deuh le lian deuhmi ram cu propaganda phunphun tuahin le sualnak hawlin an nunnak a laksak, an ram an siatsuah sinsin.

Mipi hrang ruat ngaingai sehla, North Korea le Kawlram vtp hi nasa zetin bawm ding le buaipi tlak  an si sawn. Politics hi thianhlim zetih play cu a rak theilobik a si hmang ding.

PS: Reference pawl hi hmun dangdangta an siih, karak tarlang cawklo. Ka hmuh ban tawk teih USA ih foreign policy Libya le Iraq parih a neihmi a tawi theibik nakih ngan men mi a si. 

Nu & Pa in Fa le Hnenih Ṭonglo Dingmi (7) 7 of the Worst Things Parents Tell Their Kids (By: JoJo Tabares)

1. Thil an tuahsual pangmi ah mawhthluk ringringnak (Belittling )

“Nu le pa pawl, nan faale pawl kha thinheng dingin tuah hlah uh. Cu ai-ah Khristian nundaan ziaza le zirh awknak thawn cawm uh.” (Ephesians 6:4).

2. Ka manlo, ka buai tuk lai (Not now. I'm busy)

3. Ka tuah vekin siloin, ka lo sim vekin tuah aw (Do as I say, not as I do)

4. An tleirawl zik rero laifang ṭih ciamconak (Those dreaded teen years)

“Nan duh a sile a ṭha lomi ṭong lo dingah le thuphan sim lo dingah ralring uh” (Psalm 34:13).

5. Keimah in ka lo ti ruangah/ Ka thuthu (Because I said so)

6. Thil an tuah ṭha hnai lo miah lawm hlah (Empty praise)

7. Hronak/ Ṭih dingih ti hrimnak (Threatening or Using Fear)

“Ka hmur in ṭongsia a suak lo ding ih, ka lei in thuphan a per lo ding. ” (Job 27:4).

Kawlram zumtu hmaisa 10 pawl (The first 10 believers of Burma)

1. U Naw June 27, 1819

2. U Tha Hla Nov 7, 1819

3. U Byae (U Pya) Nov 7, 1819

4. U Shwe Ba April 2, 1820

5. U Myat Ya June 4, 1820

6. U Tha Ya June 4, 1820

7. U Nyo Dwe June 16, 1820

8. U Kwe ( U Kui) June 16, 1820

9. U Shwe Ngung July 18, 1820

10. Daw Ming Khalay ( Daw Ming Hla) July 18, 1820

Source: Vankau Arsi Magazine (Nov. 2017)

Ziang A Thupibik"

Minung in ci le kuang hi thupi zetih ruatmi a si. Cucu minung dan a si ko. Pathian in teh a thupi tir taktak maw ti, tawiten zoh tlang uh si!

Matthai 1 nak kan siar a sile, Jesuh suahkehnak tisa lamih pi le pu pawl hmin nganmi ah kan hmu theimi cu hlawhhlangnu, Rahab le Israel hnamthlan sivelomi, Gentile mi, Ruth khal an hmin ngan khum a si.

Israel miphun cu, miphun picang tiaw le, kahpia ih hrinmi nautak zettu miphun an si. Sinan, Jesuh ih suahkehnak tisa lamih, cikuangah kahpia lawng siloin hlawhhlangnu khal hmuh ding a um.

Culawng siloin, Jesuh thawhsalnak, a thla hmu hmaisabiktu le cuih thuthangṭha phuang hmaisabiktu khal, Israel miphun pawlih, minung list ih ret lomi le zaingih siarlomi nunau 3 pawl, Mary Magdalene, Mary (James nu) le Salome an si.

Khatlam zawngin kan zoh ahcun Pathian in minungih, tisa lamih, thupi kan timi le thupilo zet kan timi hi, Pathian hmuh dan thawn an linglet aw zia a lang tir kan ti thei. Tisa lamin, cikuang tenau ih, suakmi tla kan si men ding, kahpia tla kan si men ding. Sinan Pathian ih thupibik sawn a timi cu Amai fa kan sinak sawn kha a si!

Khrih ah thleidang awknak; nunau, mipa, lalfa, farahfa, kahpia, le hlawhhlangfa tivek a um nawnlo!

Falam Ṭah Aw (2)

Nunu, Falam in, ka fa le tla,

Ka nonak, ka ṭhatnak, ka mawinak

Ka it umnak pawl, la tahratin

Uai hnianghni in, in tansan..

Khat tawkin, in ra tlawng

Vehvai nan, a hmin men fang..

Nauhak cithlum pek bang

Rei um paih lawn..

Laihlum hrekkhat, mah le mah

Rem aw cuanglo,

Falam hrang hnakin, mai pumpi hrang

Zuar thlai aw celcel..

Ṭhanthar nonawn, ram duhdawttu

An mal deuhdeuh, thuanthu hman thei lawn,

Upa relsiat hmang an zai

Falam fa le, mawh a si lo sawm?

Nunnak thapin, ram & miphun;

Rak rian ṭenṭo..

Nu & pa ruak,

Vui man lo ee!

Nunthap ngamih, ṭuanmi rah;

Ziangso a si?

Relsiatnak, thinbannak;

Kutzung khihnak…

Pathian riantu, hrang ahcun,

Vanram talah, laksawng a um,

Ram hrang ṭuantu, a laksawng cu;

Mitthli canghnap men maw a rak si?