Mino

 

Ka sibik ti ih ruahawk caan…Nolai caan

Ka fimbik tiih ruahawk caan…Nolai caan

Ka thiambik tiih ruahawk caan…Nolai caan

Ka theibik tiih ruahawk caan..Nolai caan

Ka cakbik tiih ruahawk caan..Nolai caan

 

Aw Mino! “BIK” lai caanṭha na neih sun..

Sersiamtu Pathian hrang..

Na ram, na miphun hrang..

Na hman thiam ahcun,

Sankhuk, na di lo riam tirtu an si ding…

 

Tlin tawkin, miphun hrang

Ka tuah

Ka ṭuan

Ka pumpek

Ka co mi..

Mawhthluk-nak

Relsiat-nak

Hmuhsuam-nak

Hi hmuah hi...

Thisen le thlanhripi man!
Sinan, ka diriam...

Mitthli....

Mitthli…Lungthin kekkuai tirtu

Mitthli…Riahsiatnak langtirtu

Mitthli..Beidonnak langtirtu

Mitthli…Lungawinak langtirtu

Mitthli….Mibum hmang

Mitthli…Theihthiam na har?....

A rei zonan, a thar sal ṭheu

Kum upa zonan, lungthin a no sal ṭheu

A cang thei nawnlo nan, mitthlam ah a lang sal ṭheu

Kham theihlo in, ni le caan an liam..

Ziang ti ṭha……

Pu Ral Sai Lo

(In Loving Memory of Dad!)

 

(Ka pa hngilhlonak le upat peknak)

 

Ka pa cu Laica phunli ong lawng a sinan,

Fa le 8 lakah 6 degree ngah ko, cawm suaktu a si
Ka pa cu khawte fa a sinan,
Fa le pawl khawpi ih tlawngkai tir theitu a si

 

Ka pa cu awkaa hrang a sinan,
Fa le pawl duhdawt zettu a si
Ka pa cu a zirsang manlo nan,
Calai, miphun le ram duhdawt zettu a si

 

Ka pa cu micungcuang a si ciamco lonan,
Khua le ram ih, thurontlak upa pakhat a si
Ka pa cu mifamkim a si ce lonan,
Rinsantlak ih Pathian riantu a rak si

 Fa le hrangah cun, mifimbik,

Cungcuangbik le zohṭhimtlakbik na si..
Ka pa ka lungawi tuk ka ti duh nan,
Mual in liamsan man…….

 

 

1987 December thlatang

Vankau tlang pial ih..

Duhthu kan saam lai

Phunsang tlawng kai dingih

Feh zik zaan…

 

Na biangno ih, a luangmi

Mitthli for, hlum-var te thawn

Biathu kan rak tiam-mi..

Na hngilh hmanah..

Lung muril ah, ka hrang a hmun camcin…



Ka fim

Ka ta
Ka thei
Ka thiam
Ka thuthu….
Sinan, Jesuh neih hnu cun,
A fim
A ta
A thei
A thiam
Amai thuthu ti, a rak si sawn….